HAXHI SHALA SUSPENDOHET
Foto: KF Feronikeli/ Facebook
2 ndeshje suspendim për Shalën
3 November, 2017 @12:16
Futbollisti i Feronikelit, Haxhi Shala, për shkak të kartonit të kuq të marrë në ndeshjen ndaj Gjilanit në fundjavën që e lamë pas, është suspenduar me 2 ndeshje moslojë nga FFK-ja, ka bërë të ditur faqja zyrtare e Federatës sot.
“Haxhi Shala, lojtar i KF Feronikeli, për ndëshkim me karton të kuq në ndeshjen Feronikeli-Gjilani, dënohet me ndalesë për 2 (dy) ndeshje zyrtare moslojë sipas radhës të organizuara nga FFK,” ka shkruar njoftimi i Federatës sot.
Feronikeli kishte fituar këtë ndeshje 2-1, ndërsa Shala kishte marrë kartonin e dytë të verdhë pasi që kishte ofenduar gjyqtarin e ndeshjes.
