LLAPI
4 javë pa fitore
5 May, 2016 @18:28
Llapi aktualisht është në krizë të rezultateve pozitive. Ekipi që po drejtohet nga Tahir Batatina nuk ka arritur të shënojë fitore edhe pas 4 ndeshjeve, që prej fitores së fundit të tyre të arritur më 10 prill, kur kishin mposhtur Vushtrrinë në shtëpi.
Llapi sot u mposht nga Gjilani në Merdare me rezultat 1-3 dhe tashmë në katër ndeshjet e fundit kanë 3 humbje dhe 1 barazim, duke fituar 1 pikë nga 12 të mundshme.
Kjo ka bërë që Llapi prej ekipit që garonte për kreun e tabelës të arrijë në mes të klasifikimit të Superligës.
