Dënime për Fellainin e Huthin

Në ndeshjen e xhiros së kaluar ndërmjet Manchester United dhe Leicesterit në ‘Old Trafford, Marouane Fellaini dhe Robert Huth ishin pjesë e një përleshjeje. Dy lojtarët shtatlartë në një ndërprerje patën probleme mes vete, me gjermanin që e tërhoqi për flokë belgun e nga kjo pasoi goditja me bërryl e mesfushorit të Manchester United. Arbitri i ndeshjes nuk i ndëshkoi, mirëpo Federata Angleze vendimin për ndëshkimin e tyre e morri pas ndeshjes.

Të dy lojtarët janë dënuar zyrtarisht me nga 3 ndeshjes moslojë. Robert Huth do të mungojë në dy ndeshjet e fundit të Leicesterit dhe në ndeshjen e parë të sezonit të ardhshëm, ndërsa Fellaini do të mungojë në 3 ndeshjet e mbetura të United në Premier League, mirëpo ai do të jetë i gatshëm për skuadrën e tij për finalen e FA Cup, e cila zhvillohet ndaj Crystal Palacet më 21 maj.