Triumfon Reali, finale madrilene

Të hendikepuar pa David Silvën që nga fillimi dhe me kapitenin Vicent Kompany që u largua nga loja në minutën e 10’ për shkak të lëndimit, City nuk arriti të bënte pothuajse asgjë në ndeshjen e zhvilluar ndaj Realit në Bernabeu. Me përjashtim të një shtylle të Fernandinhos, Manchester City u tregua skuadër e paaftë që të organizojë rreziqe dhe të gjejë golin e kualifikimit.

Në anën tjetër, Reali pati më shumë raste për shënim, mirëpo goli i vetëm i shënuar ishte një autogol i Fernandihos, i cili devijoi një krosim të uellsianit Gareth Bale dhe topi përfundoi në rrjetë. Rastet për madrilenët vazhduan edhe më tej, mirëpo gola të tjerë nuk pati.

Kjo fitore bën që në Milano të kemi përsëritjen e finales së vitit 2014. Edhe këtë vit në finalen e madhe të Milanos do të kemi një derbi madrilen, Atletico vs. Real Madrid.

GOAAAL - Real Madrid 1-0 Man City Champions League by EntertainmentLive