Ku po shkon Mahrez?

Lojtari më i mirë i stinorit në Premier League, Riyad Mahrez, mund të mos jetë pjesë e Leicester Cityt sezonin e ardhshëm. Edhe pse pak ditë më parë, e përditshmja The Guardian tha që Mahrez nuk do të largohet, agjenti i lojtarit në fjalë ka dhënë shenja se algjeriani mund të largohet nga kampioni anglez.

“Sigurisht që ka gjasa që ai të largohet, mirëpo asgjë nuk është e sigurtë ende. Për momentin gjasat janë 50-50.” - tha Kamel Bengougam, agjenti i lojtarit algjerian, raporton Goal.com.

Mahrez këtë stinor ka shënuar 17 gola dhe ka dhuruar 11 asiste, duke qenë një nga lojtarët kryesorë që ndikuan në suksesin historik të Leicesterit këtë sezon.