4 mungesa në ekip, Liria me transmetim direkt

Skuadra e Lirisë së Prizrenit, që po militon në Ligë të Parë A të Kosovës, këtë fundjavë do të përballet me ekipin e Drenasit.

Sipas faqes zyrtare të klubit në Facebook, është bërë e ditur se bardhezinjtë e Prizrenit, që kanë angazhuar aktualisht trajnerin prizrenas me përvojë të madhe ndërkombëtare, Naci Sensoy, do të transmetojnë direkt ndeshjen në kanalin e ekipit në Facebook.

Liria është në pjesën e poshtme të Ligës së Parë A dhe as fitorja këtë xhiro nuk do ta nxjerrë në pjesë të epërme të tabelës. Drenasi është i parafundit në renditje.

Ndërsa skuadra ka bërë të ditur se kapiteni Robert Gjeraj, pastaj Roni Gashi janë të suspenduar për shkak të kartonëve, derisa Blendi Memaj e Valon Bytyqi janë të lënduar - që do të thotë se ekipit do t’i mungojnë katër futbollistë nga 11-shja standarde e saj në përballjen e rëndësishme.