VITIA - FERIZAJ
6 gola të shënuara, pikët ndahen
25 April, 2021 @17:17
Plot 6 gola u shënuan sot në ndeshjen mes Vitisë dhe Ferizajit në Grupin B të Ligës së Parë.
Ndeshja me shumë raste për shënim në fund u mbyll 3-3, rezultat që i detyroi skuadrat të jenë të kënaqura me nga një pikë.
Në këtë takim hat-trick për Ferizajin shënoi Ramush Ramadani, por paraqitja e tij fenomenale për fat të keq nuk u kurorëzua me 3 pikë për skuadrën e tij.
Pika e arritur sot Vitinë e mban në vendin e katërt të Grupit B, kurse Ferizaj momentalisht ka 5 pikë më shumë se vendi i fundit, që dërgon në Ligën e Dytë sezonin tjetër.
Xhiron e ardhshme, Vitia i shkon KEK-ut, kurse Ferizaj e pret Flamurtarin në shtëpi.
