BILETAT, GATI PËR SHITJE
800 mijë bileta, pas shortit
11 December, 2015 @10:10
Rasti i fundit për të qenë pjesë e EURO 2016 në vend të ngjarjes është mundësia e 800 mijë biletave që do të dalin në shitje pas shortit.
UEFA ka bërë të ditur se të hënën që vjen me fillim në ora 12, pra në mesditë, do të lëshohen në shitje 800 mijë bileta për tifozët e ekipeve të kualifikuar në EURO 2016.
Faza e aplikimit për këto bileta do të zgjasë nga 14 dhjetor 2015 deri më 18 janar 2016.
Kategoritë e biletave janë të ndara në: Bileta personale (që vlejnë për një ndeshje në një stadium); Përcjelli ekipin tim (për disa ndeshje, duke përfshirë edhe biletat me kusht, nëse kualifikohet ekipi tutje); Bileta me qasje speciale (për personat që kërkojnë qasje të shpejtë deri te ulësja, për përdoruesit e karrigeve me rrota).
