‘89-shi ia prish debutimin Thaqit te Drita

Trajneri i ri i Dritës, Arsim Thaqi, ka nisur me humbje detyrën e tij të re te ekipi gjilanas, derisa Armend Gashi gjatë një akcioni me karambol të Trepçës’89 ka shutuar për të shënuar!

Ky gol, ka qenë i mjaftueshëm për ekipin e Shpëtim Idrizit për të gjunjëzuar nënkampionen e Superligës dhe lideren e stinorit vjeshtor, derisa mitrovicasit morrën fitore jashtëzakonisht të rëndësishme në luftë për mbijetesë duke fituar në fund, Trepça’89 1-0 Drita [Armend Gashi 13’].

TABELA AKTUALE

Pas golit të pësuar Drita përkundër se pati disa raste (Blend Baftiu, shtyllë 49’, Hamdi Namani, jashtë kornizës 39’) nuk arriti assesi të kalojë pas Bardhyl Kaçiut dhe kështu misioni i trajnerit të ri të ekipit nisi me humbje si dhe me humbjen e lidershipit në renditje, pasi që Ballkani fitoi duelin e tij dje.

Me fitore, Trepça’89 ka shënuar triumfin e pestë sezonal ndërsa ka dalë në pozitën e shtatë me 22 pikë. Drita humbi lidershipin në renditje dhe tash është 3 pikë larg Ballkanit lider, pasi që ka 38 pikë, ndërsa ka pësuar humbjen e tretë sezonale sot.

Për të mos harruar, Trepça’89 përkujtoi sot edhe njëherë futbollistin e ri të tyre që ndërroi jetë gjatë ndeshjes së ekipit kadet, Erion Kajtazi, ndërsa penisionoi numrin 15 në kujtim të tij - edhe te seniorët.