KUPA E KOSOVËS
‘89-shi pa probleme, deklason Ferizajin për çerekfinale
10 February, 2021 @15:17
Trepça ‘89 në mesin e çerekfinalistëve të Kupës!
Skuadra mitrovicase sot pa probleme e mposhti Ferizajin me rezultat 4-0, për ta kaluar kështu 1/8 e finales së Kupës.
Robert Rrahmani (44’), Arbnor Muja (67’, 70’) dhe Nikson Mema (78’) ishin golashënuesit e mitrovicasve sot, ndërsa epërsia mund të ishte edhe më e thellë, sikur Ardian Muja të tregohej i saktë nga pika e bardhë në minutën e 81’.
Kundërshtarin e fazës çerekfinale mitrovicasit do ta kuptojnë pas shortit.
