Të gjitha lajmet

SONTE, LEGIA - PRISHTINA

A do të arrijnë historinë në BCL për ekipet kosovare?

Foto: KBPrishtina/fb

A do të arrijnë historinë në BCL për ekipet kosovare?

20 September, 2019 @11:01

Dueli i kthimit luhet sonte. Ekipi kampion i Kosovës, KB Prishtina, është mysafire në kryeqytetin polak, Varshavë, ku e pret Legia.

Polakët fituan ndeshjen e parë në Prishtinë, duke e mposhtur ekipin bardhekaltër me dy pikë epërsi në fund, për të pasur avantazhin minimal për ndeshjen e kthimit.

Prishtina, asnjëherë nuk ka arritur të kalojë raundin e parë kualifikues të Ligës së Kampionëve të basketbollit. Kjo është hera e tretë që kampionët e Kosovës marrin pjesë në këtë garë dhe mundësia e tretë që të arrijnë një kthesë historike si për klubin, ashtu edhe në histori të basketbollit vendor.

Basketball Champions League është në stinorin e katërt të historisë së shkurtër të saj, ndërsa Prishtina po merr pjesë për herë të tretë.

Herën e parë 2017/18 Prishtina nuk kishte arritur të kalonte pengesën belloruse, Tsmoki Minsk nga të cilët ishte mposhtur në të dyja ndeshjet, 50-57 dhe 74-89.

Në stinorin e kaluar 2018/19 përjetoi shokun më të madh. Pas fitores me 20 pikë dallim në Prishtinë 84-64, u mposht nga ekipi holandez Groningen 80-55 për tu eliminuar.

E kësaj radhe, rivali polak ka 2 pikë epërsi nga dueli i parë. Ajo që dihet, është se Prishtina nuk ka fituar si mysafir asnjëherë në BCL.

E këtë, kësaj radhe duhet ta arrijnë, me së paku 3 pikë epërsi, ashtu që grupi i lojtarëve të këtij stinori të hyjë në histori të klubit.

Forma e mirë e Dardan Berishës, Fahro Alihodzicit dhe loja e Mikaile Tmusicit - mund t’i hapin Prishtinës këtë rrugë, në përballjen që nis në ora 20:00 sonte.

Ndeshja do të transmetohet direkt në kanalin YouTube të kësaj lige, linkun e së cilës do ta publikojmë më vonë.

PRIZRENI STATS

Canada me mesatare mbi 20 te Prizreni

TOPSPORTI / A.P

26 April, 2020 @0:38

Koshashënuesi më i mirë te Prizreni në stinorin e papërfunduar 2019/20 në Superligë, ishte Malcolm Canada. Canada luajti vetëm në…

PEJA STATS

Henrik Sirko lider edhe në kërcime te Peja

TOPSPORTI / A.P

23 April, 2020 @19:35

Kroati i Pejës, Henrik Sirko, përveç se ishte më i miri te koshashënuesit e skuadrës pejane, ishte edhe më i…

PEJA STATS

Reprezentuesi i Kosovës, asistuesi më i mirë i Pejës

TOPSPORTI / A.P

23 April, 2020 @14:02

Amerikani që luajti edhe për Kosovën, Malcolm Armstead, ka qenë më i mirë sa i përket asistimeve te Peja në…

PEJA STATS

Sirko koshashënuesi më i mirë te Peja 19/20

TOPSPORTI / Arian Paçarizi

22 April, 2020 @15:54

Koshashënuesi më i mirë i Pejës në stinorin e papërfunduar 2019/20 të Superligës ishte kroati Henrik Sirko. Sirko, që…

BASHKIMI STATS

Terik Bridgeman me mbi 200 kërcime te Bashkimi

TOPSPORTI / A.P

20 April, 2020 @23:50

I vetmi që e kaloi shifrën e 200 kërcimeve te Bashkimi këtë stinor ishte amerikani Terik Bridgeman. Bridgeman në 22…

Të gjitha lajmet nga FBK Superliga