Albert Bunjaku: Me 120% ndaj Kroacisë

Përzgjedhësi i përfaqësueses së Kosovës, Albert Bunjaku, në konferencën për shtyp para ndeshjes së nesërme ndaj Kroacisë ka thënë se Kosova do të jep 120% të saj.

Duke e ditur vështirësinë para kundërshtarit që po synon Botërorin, Kosova e ka të qartë pozitën e saj në këtë ndeshje.

“Kjo është nga ato ndeshjet ku duhet dhënë 120%, kemi energji të madhe dhe këtë do ta shfrytëzojmë me kujdes,” ka thënë ai.

“Për ne është me rëndësi që të analizojmë rivalin. Duhet të kemi kujdes, por nëse na ipet mundësia do të sulmojmë, posaçërisht kur dihet çfarë përkrahje do të kemi nga tribunat,” ka shtuar Bunjaku.

Bunjaku ka larguar edhe dilemat për lëndime.

“Kemi zëvendësues për çdo pozitë në rast të lëndimit dhe kemi zgjidhje për të gjithë lojtarët,” ka cekur ai.