Albion Ramaj i jep fillim të mbarë Drenasit në Gjakovë

Vëllaznimi i Gani Sejdiut ka nisur me humbje stinorin në Ligë të Parë Grupi A, pasi që në përballjen e parë kampionale është mposhtur nga Drenasi i drejtuar nga Leotrim Krasniqi, me rezultat minimal, 0-1.

TABELA AKTUALE

Futbollistët gjakovarë kanë pasur topin më shumë në posedim gjatë pjesës së parë, mirëpo goli i ardhur në pjesë të dytë nga Albion Ramaj është treguar vendimtar për tri pikë në këtë ndeshje dhe kështu mysafirët janë kthyer në shtëpi me gjah të plotë që në xhiron e parë, që do të jetë motiv shtesë për ta në vazhdim të kampionatit, Vëllaznimi 0-1 Drenasi [Albion Ramaj 68’].

Vëllaznimi do të kërkojë pikët e para në xhiron e radhës në përballje ndaj Phoenixit në shtëpi, ndërsa Drenasi pret Lirinë.