Alexis në radar të Juventusit

Sulmuesi kilian i Arsenalit, Alexis Sanchez, mund të bëhet pjesë e Juventusit stinorin tjetër, por kjo vetëm nëse lojtari nuk vazhdon kontratën me Arsenalin.

Së paku kështu shpresojnë juventinët, ku Tuttosport shkruan se mungesa e trofeve e ka bërë kilianin të shqyrtojë ofertat dhe atë jo kineze por europiane.

Juventus është duke e përcjellë me seriozitet gjendjen e lojtarit, veçanërisht nëse Mario Mandzukic largohet nga Torinoja në fund të këtij stinori.

Një ardhje e Alexis Sanchezit në Juventus, do të thoshte kthim për kilianin në Serie A, që kishte bërë karrierë prej vitit 2007 deri në 2011 duke luajtur për Udinesen.

Nga Udinese për 26 milionë euro shkoi te Barcelona në vitin 2011, prej të cilëve kaloi te Arsenali për 42.5 milionë euro në vitin 2014.