Altik Muhaxhiri (KF Dukagjini), Ylli i javës (36)

Portieri gjakovar i Dukagjinit të Klinës, Altik Muhaxhiri, ka qenë jetik për ekipin e tij në xhirot e fundit, ndërsa ka shkëlqyer në këtë të fundit, për të marrë çmimin e fundit të Yllit të javës për këtë stinor nga FFK e sponsori i saj.

Kjo është hera e dytë që Muhaxhiri merr çmimin e më të mirit të javës në Superligë këtë stinor dhe bëhet portieri i parë që e arrin këtë sukses.

Me barazimin e së dielës ndaj Malishevës në Liman Gegaj, Dukagjini ka siguruar mbijetesën në Superligë dhe do të jetë pjesë e saj edhe në edicionin 2022/23.