Ansu Fati në operim

Sulmuesi i ri dhe i talentuar i Barcelonës, Ansu Fati, do të duhet të hyjë në operim pas lëdnimit në ndeshjen e djeshme të katalonasve.

Fati 18 vjeç do të hyjë në sallë operacioni të hënën më 9 nëntor, ndërsa do të operohet pas lëndimit që e pësoi në meniskusin e tij nga doktori Ramon Cugat.

Pas operimit, Barcelona ka bërë të ditur se do të dalë me komunikatë për kohëzgjatjen e shërimit të plotë të tij dhe datën kur pritet të rikthehet në stërvitje lojtari.

Ansu Fati deri tash ka shënuar 13 gola me ekipin e parë të Barcelonës dhe ka regjistruar 3 asistime.