Ardian Ismajli: Në Norvegji, për kthimi në reprezentacionin A

Futbollisti i ri i Kosovës, Ardian Ismajli, që luan në kampionatin kroat, është shprehur të jetë i motivuar për ndeshjen me Norvegjinë, në kuadër të garave kualifikuese për EURO 2019.

Kosova U21 ndeshet me Norvegjinë U21 më 12 qershor. Ndërsa mbrojtësi Ismajli ka thënë se shpreson që me paraqitje të mira te shpresat, të kthehet në përfaqësuesen A.

“Në këto ditë që jam bashkuar me Kombëtaren U21 kam parë një ekip shumë të bashkuar. Realisht shumicën e lojtarëve i njoh pasi kam luajtur me ta sa kam qenë në kampionatin vendor. Stërvitjet po shkojnë jashtëzakonisht mirë dhe besoj se me pak fat puna që po bëjmë këtu do të na shpërblehet me rezultat pozitiv në Norvegji.  Shpresoj se paraqitjet e mia këtu do të ndikojnë për t’u rikthyer sërish në Kombëtaren A, pasi edhe këtu ka lojtar shumë cilësor,” ka thënë Ismajli për faqen zyrtare të FFK-së.