Arsenal s’na respektoi

Përkundër se u mundua, Arsenal nuk arriti të sigurojë çerekfinalen e Ligës së Kampionëve, mbrëmë. 

Monaco siguroi një vend në tetëshen më të mirë europiane të stinorit duke i falenderuar golave si mysafir të shënuar në Emirates dy javë më parë. 

Ndërsa, trajneri portugez i saj Leonardo Jardim, ka akuzuar trajnerin e Arsenalit, Arsene Wenger, për mosrespekt pas humbjes së pësuar në Angli. 

“Në ndeshjen e parë, kur dëshiroja t’ia shtrëngoja dorën pas ndeshjes, ai nuk na uroi fitoren, as nuk na falenderoi për lojën. Kështu, edhe pse mbrëmë Arsenali bëri gjithçka për të shkuar tutje, unë zgjodha t’ia kthejë në mënyrë të njejtë atij,” ka thënë trajneri i Monacos pas ndeshjes, transmetojnë mediat e huaja sot. 

Monaco bëhet ekipi i radhës që siguron një vend në tetëshen më të mirë europiane, duke u futur në grupin ku bëjnë pjesë: Real Madrid, Atletico Madrid, Paris St Germain, Bayern Munchen dhe Porto. 

Sonte do të bëhen të ditura edhe dy skuadrat tjera që do të arrijnë çerekfinalen pas dueleve: Barcelona - Manchester City dhe Borussia Dortmund - Juventus.