Arsim Abazi zyrtarizohet te Ferizaji

Ish-futbollisti e tash i njohur edhe si trajner, Arsim Abazi, është emëruar sot drejtor sportiv i Ferizajit, ka bërë të ditur klubi bardhekaltër, pasi që nuk arriti të sigurojë mbijetesën në Superligë për edicionin 2023/24.

Së fundi, “Cima” siç e thërrasin ata që e njohin nga afër, ka punuar me grupmoshat e Kosovës U-17, ndërsa një kohë ka qenë edhe trajner i Ferizajit.

Duke qenë njohës i mirë dhe profesionist i pakompromis, Ferizaji ka bërë të ditur se Abazi tash e tutje do të punojë si drejtor sportiv i ekipit.

“FC Ferizaj e ka kënaqësinë të ju informoj se Arsim Abazi është i përzgjedhuri i klubit për pozitën e drejtorit sportiv.
Arsim Abazi apo “Cima” siç njihet në komunitetin e futbollit së fundmi ishte selektor i Kombëtarës së Kosovës për grupmoshat U17. Kurse në kaluarën ka qenë trajner i FC Ferizaj dhe disa ekipeve tjera në Kosovë.” — ka shkruar ndër të tjera njoftimi i FC Ferizajit.

Ferizaji në stinorin 2022/23 u drejtua nga Arbnor Morina fillimisht, për të marrë pastaj drejtimin kroati Andrej Panadic. Mirëpo, pasi që u eliminuan në ndeshje playouti nga Liria, kroati u nda me ekipin. Ferizaji thuhet të jetë në bisedime me disa trajnerë për pozitën e shefit të shtabit teknik.◼️