Asnjë lojtar i Serie A-së s’do të lejohet drejt kombëtareve?!

Disa lojtarë ndërkombëtar nga ekipet e ndryshme të Serie A-së kanë marrë ndalesë për të udhëtuar drejt kombëtareve të tyre, raportojnë mediat italiane.

Autoriteti i parë lokal që ndaloi ikjen e lojtarëve drejt kombëtareve ka qenë i Firencës, derisa të gjithë lojtarët e Fiorentinës janë izoluar pasi që Jose Maria Callejon është testuar pozitiv në coronavirus.

Deri tash edhe lojtarët e Sassuolos, Genoas, Romës, Lazios e Interit kanë qenë të ndaluar të udhëtojnë në ndeshje me reprezentacionet e tyre nëse nëjri nga futbollistët e ekipit del pozitiv.

Nga nesër pritet që të dihet përfundimisht se çka do të ndodh me futbollistët e ekipeve në fjalë dhe atyre tjera, pasi që javën që vjen zhvillohen shumë ndeshje ndërkombëtare futbolli.

Kosova ka përpara saj tre ndeshje gjatë ditëve në vijim, ku pas miqësores me Shqipërinë do të ndeshet me Slloveninë dhe Moldavinë në kuadër të Ligës së Kombeve. (footitalia).