DONIS AVDIJAJ
Avdijaj i kthehet golit
2 April, 2016 @18:05
Problemet me lëndime tashmë i përkasin të kaluarës për Donis Avdijajn.
Talenti 19 vjeçar sot ka shënuar golin e tij të parë qysh pas rikthimit nga lëndimi, që e kishte lënë atë rreth katër muaj larg fushave të blerta.
Avdijaj sot shënoi golin e parë në fitoren 3-0 të skuadrës së tij, Sturm Graz, përballë skuadrës Grodig, në kuadër të kampionatit austriak, ndërsa golat e fitores erdhën vetëm në minutat e fundit të kohës shtesë.
Ky është goli tretë i Avdijajt në kampionat.
