ATLETICO MADRID
Pa problem ndaj Betisit
2 April, 2016 @17:43
Atletico Madrid është këndellur nga humbja e befasishme e javës së kaluar ndaj Sporting Gijonit.
Ekipi i Diego Simeones e mposhti Real Betisin me rezultat të thellë 5-1, për ta regjistruar fitoren e 22 në La Liga.
Atletico ishte në epërsi që nga minuta 37’ kur u shënua goli i parë nga Fernando Torres, ndërsa në rritje të epërsisë kontribuan edhe Antoine Griezmann me dy gola dhe Juanfran e Thomas nga një gol, derisa Betisi u kundërpërgjigj me golin e Ruben Castros.
Me këtë fitore, Atletico arrin në 70 pikë, duke e ruajtur kështu pozitën e dytë në ndjekje të liderit Barcelonës, derisa Betisi vazhdon të mbetet në 34 pikë.
