Shpresoj të jemi lider në qershor

Trajneri i Ferronikelit, Afrim Tovërlani, e ka quajtur si një rezultat shumë të rëndësishëm fitoren e sotme ndaj Lirisë, derisa foli edhe për kryesimin aktual të skuadrës së tij në Superligë.

RAPORTI I NDESHJES

“Ishte një fitore shumë e rëndësishme. Ndeshje të tilla përballë skuadrave pa synim ndonjëherë mund të jenë shumë të vështira. Fitorja ishte e merituar për ne, pasi treguam lojë të mirë. Për kryesimin nuk jam i shqetësuar. Shpresoj të jemi lider në qershor, atëherë kur përfundon kampionati,” tha Tovërlani pas ndeshjes.

TABELA AKTUALE

Ferronikeli aktualisht kryeson në radhitjen tabelare, por me një ndeshje më shumë se liderja e deritashme, Hajvalia, e cila nesër do ta zhvillojë ndeshjen e kësaj jave përballë Drenicës.