Avdijaj mbetet në Sturm Graz

Donis Avdijaj edhe një stinor do të luaj te skuadra austriake Sturm Graz.

Futbollisti 18 vjeçar, i cili është pronë e skuadrës nga Bundesliga gjermane, Schalke 04, ishte huazuar në Sturm Graz në janar të këtij viti.

Paraqitjet e tij të shkëlqyera, e kanë shtyer ekipin austriak ta vazhdojë kontratën e huazimit me Schalken, që tani do të jetë i vlefshëm deri në qershorin e vitit 2016, megjithëse skuadra gjermane do ta ketë mundësinë e rikthimit në skuadër gjatë afatit kalimtar të dimrit.

“Kam mësuar shumë gjëra këtu nga trajneri Franco Foda dhe nga bashkëlojtarët e mi në Graz,” tha Avdijaj, derisa shprehu kënaqësinë e tij që do të vazhdojë të mbetet te ekipi bardhezi.

Donisi ka pasur paraqitje të shkëlqyera me Sturm Grazin, duke shënuar 6 gola në 16 paraqitje në kampionat, ndërsa skuadra e tij me ndihmën e Avdijajt arriti ta sigurojë një vend për garat e Europa League në stinorin e ardhshëm.