Bajrami: Kthehemi shpejt në elitë

Trajneri i Hajvalisë, Emin Bajrami, në deklaratën e tij pas ndeshjes ka thënë se është i bindur që ekipi i tij do të kthehet shpejt në Superligë.

Hajvalia është duke përjetuar krizë financiare dhe luan me lojtarë të ri, por ata po marrin përvojë në Superligë dhe me lojën e treguar ndaj Prishtinës sot i japin shpresa trajnerit të tyre.

RAPORTI I NDESHJES HAJVALIA-PRISHTINA

“Kam thënë se kemi ekip me shumë perspektivë me lojtarë të ri dhe brenda një viti do të jetë kundërshtar shumë i fortë, pa marrë parasysh se ne tani jemi dorëzuar për mbijetesë. Por, vendimi i kryesisë që këtë ekip ta mbaj për vitin e ardhshëm jam i sigurt që brenda një vitit do të rikthehemi këtu në elitë sërish,” ka thënë Bajrami për faqen zyrtare të Prishtinës sot pas ndeshjes, duke treguar që është i sigurt se ekipi i tij do të jetë pjesë e Superligës shpejt.

TABELA AKTUALE E SUPERLIGËS

Hajvalia është në pozitë të fundit të klasifikimit dhe vetëm është duke pritur përfundimin e stinorit pasi që gjasat për mbijetesë thuajse janë shuar plotësisht.