Ballkani bindshëm në Podujevë, kërkon ta mbyllë vjeshtën si lider

Në ndeshjen e mbetur nga xhiroja e shtatë, Ballkani ka shënuar fitore bindëse ndaj Llapit në Podujevë.

Podujevasit Ballkani i mposhti 0-3 (Albion Rrahmani 24’, Armend Thaqi 56’, Meriton Korenica 59’).

TABELA AKTUALE

Pjesa e parë u mbyll me vetëm një gol të shënuar, atë të Albion Rrahmanit në minutën e 24’, e në pjesën e dytë rrjeta e Llapit u tund edhe dy herë. Për 0-2 shënoi Armend Thaqi, e pak minuta më pas përfundimtaren 0-3 e vulosi goli i Meriton Korenicës.

Kështu, Ballkani, me një ndeshje më pak, i afrohet në 1 pikë Dritës lidere, kurse Llapi sezonin vjeshtor e mbyllë me 20 pikë.

Sa i përket suharekasve, ndeshjen e fundit të sezonit vjeshtor ata e luajnë ndaj Prishtinës më 11 dhjetor, ndeshje e mbetur nga xhiroja e 14. Nëse Ballkani e mposhtë Prishtinën, shkon në pushim dimëror si kampion vjeshtor.