Ballkani me njoftim për lëndimin e Kushtrim Gashit

Skuadra e Ballkanit ka sqaruar opinionin lidhur me situatën e mesfushorit Kushtrim Gashi, i cili tashmë është i lënduar.

Në një njoftim nga klubi suharekas thuhet se futbollisti në fjalë është duke u rikuperuar dhe rikthimi pritet të bëhet sa më shpejt që është e mundur.

“Futbollisti Kushtrim Gashi aktualisht është duke u rikuperuar pas një lëndimi i cili e ka detyruar që të punojë me protokoll të veçantë. Shpresojmë se rikthimi i Kushtrimit do të ndodh shumë shpejt,” thuhet në njoftim.

Gashi ishte një ndër shtyllat kryesore të mesfushës së Ballkanit në këtë kampionat derisa sa nuk pësoi lëndim.