Barazim me Furthin, vetëm Gjasula kundër korçarëve

Skënderbeu ka zhvilluar edhe ndeshjen e fundit përgatitore në Malaga të Spanjës, ku po e kalon fazën përgatitore para pjesës pranverore të stinorit.

Kampioni i Shqipërisë është përballur me skuadrën nga Bundesliga 2, Greuther Furth, skuadër kjo ku luajnë edhe futbollistët shqiptarë, Jurgen Gjasula, Veton Berisha dhe Ilir Azemi.

Ky duel përfundoi pa gola, derisa përballë korçarëve për 90’ minuta u aktivizua Jurgen Gjasula, derisa Berisha dhe Azemi nuk luajtën për shkak të lëndimeve që i kanë.

Trajneri i Skënderbeut, Mirel Josa, zgjodhi këtë formacion për ndeshjen kundër Greuther Furthit: Shehi – Nimaga, Lafiti, Abazi, Jashancia, Detma, Vangjeli, Renatinjo, Nafiu, Lyali, Salihi.

Korçarët me t’u kthyer në Shqipëri do ta zhvillojnë edhe një tjetër miqësore, ku do të takohen me skuadrën kosovare, Hajvalinë.

Rezultatet kompletet të Skënderbeut gjatë fazës përgatitore në Spanjë