BARCA - VALENCIA
Barca fiton në shtëpi, mban hapin me Realin
19 March, 2017 @22:38
Me rezultat 4-2 u mbyll takimi i zhvilluar në ‘Camp Nou’ mes Barcelonës dhe Valencias.
Skuadra e Luis Enriques reagoi mirë pas humbjes ndaj Deportivos, duke e zhvilluar një paraqitje shumë të mirë në shtëpi, derisa në sy ishte përsëri treshja Neymar - Messi - Suarez.
Të parët në epërsi kaluan mysafirët me golin e qendërmbrojtësit Mangala, ndërsa i njëjti lojtar u përjashtua nga loja në fundin e pjesës së parë, duke i mundësuar kështu Barcelonës fitore edhe më të lehtë.
Me pjesën e parë që u mbyll 2-2, Barcelona fitoren e gjeti në pjesën e dytë me golat e Messit dhe Gomesit dhe takimi u mbyll me rezultatin përfundimtar 4-2, rezultat i cili e mban Barcën në hap me Realin lider.
