Basha mund të operohet

Mesfushori i kombëtares shqiptare, Migjen Basha, nuk po ndjehet mirë me lëndimin e tij të fundit dhe si duket ai do të duhet në fund të fundit të hyjë në operacion që do ta mund ta lë atë për një kohë të gjatë jashë fushave. 

“Më dhemb këmba ende dhe nuk mund të vrapojë ashtu si dua, e as të shutojë topin si duhet,” ka thënë Basha për të përditshmen shqiptare Sport Ekspres sot. 

Mesfushori 26 vjeçar i Torinos ende nuk ka dëgjuar këshillën e mjekut të klubit i cili i ka preferuar injekcion dhe qetësues, pasi atij i duhet kohë për t’i kaluar normalisht dhimbja në këmbë. 

Ndërkaq Basha frikësohet se gjilpëra mund t’i bëj edhe më keq më vonë dhe më shumë ka qejf të hyjë në operacion për të larguar problemin nga rrënja. Basha ka probleme me nyjen e poshtme të këmbës.