Toure kërcënon me bojkot Rusinë

Pas abuzimeve raciste që i pësuan lojtarët e Manchester Cityt në kuadër të Ligës së Kampionëve në Moskë, në fitoren e tyre 2-1 ndaj CSKA-së, ka reaguar njëri ndër futbollistët kyq të skuadrës angleze. 

Yaya Toure, ka thënë se të gjithë futbollistët e ‘ngjyrosur’ mund të organizohen dhe të bojkojnë Kampionatin Botëror Rusia 2018 nëse ish shteti sovjet nuk ndërmerr masa ndaj kësaj dukurie. 

“Nëse nuk jemi të sigurtë ne nuk do të udhëtojmë në Rusi për Kampionat Botëror,” është cituar të ketë thënë Toure për agjencinë e lajmeve, RIA Novosti të Rusisë transmetojnë sot mediat e ndryshme botërore. 

Në anën tjetër klubi rus, CSKA, ka thënë se e ka studiuar mirë inçizimin e ndeshjes dhe nuk ka vërejtur asnjë abuzim racist në te.