Basha operohet, mungon në miqësore

Mesfushori i Torinos, Migjen Basha, do të operohet sot dhe kjo do ta lë atë jashtë llogarive të trajnerit italian të Shqipërisë, Gianni De Biasi. 

Basha do të operohet në gjurin e majtë të tij dhe me këtë rast ai nuk do të mund t’i shërbejë kombëtares shqiptare në ndeshjet miqësore ndaj Rumanisë, Hungarisë dhe San Marinos. 

Basha ka kontratë me Torinon deri në fund të stinorit të ardhshëm, ndërsa me tu kthyer nga operimi dhe brenda afatit kalimtar veror do të kuptojë nëse torinezët janë të interesuar për vazhdim kontrate me atë apo do të duhet të ndërrojë mjedis.