Bashkimi më i mirë se sa që e pamë në Plodiv

Skuadra Akademic Bultex 99, sonte në ora 19:30, do të përballet me Bashkimin në Prizren në kuadër të Ligës Ballkanike.

Akademicu në ndeshjen e fundit e kishte mposhtur Bashkimin bindshëm me rezultat 102:61, por kësaj radhe trajneri i tyre Asen Nikolov, para nedshjes ka thënë se Bashkimi është një skuadër më e mirë se në ndeshjen e zhvilluar në Plodiv.

“Jam shumë i sigurt që Bashkimi është një skuadër më e mirë se sa që u tregua në Plodiv 20 ditë më parë. Për më tepër ata tani kanë një lojtarë të ri në pozitën 4, të cilin e dimë që është një lojtarë i mirë, sigurisht që ndeshja do të jetë ndryshe dhe e vështirë për ne”.

Plani kryesor i skuadrës bullgare do të jetë mbrojtja e fortë dhe do të kërkojnë kundër sulme, ka vazhduar trajneri Nikolov.

“Ne po kërkojmë të bëjmë një diferencë në mes të Ligës Bullgare dhe asaj të Ballkan Ligës, sigurisht fitorja kundër Rilskit na futi në disponim, por nuk do të na bëjë të qetë neve para ndeshjes me Bashkimin, ndeshjet kundër Bashkimit janë shumë të rëndësishme për ne, nuk duhet të bëjmë gabime. Do të kërkojë nga lojtarët e mi që të luajnë një mbrojtje të fortë në Prizren dhe të shfrytëzojnë çdo rast për kundër sulme për të gjetur pikë të lehta, shpresoj që do të kemi një rezultat të mirë para ndeshjes së dytë në Plodiv”.

Akademic Bultex 99, gjatë stinorit të rregullt është përballur me Bashkimin, dy herë dhe ka pësuar në Prizren ndërsa ka fituar në Plodiv të Bullgarisë.