Batatina: Shkojmë për fitore në Pejë

Trajneri i nënkampionit vjeshtor të Kosovoës, Tahir Batatina, ka bërë të ditur për web faqen e klubit të Llapit se ekipi i tij shkon për fitore në Pejë, për duelin ndaj Besës që zhvillohet në fundjavë.

“Ne nuk e marrin vetëm ndeshjen ndaj Besës me rëndësi, por tërë kampionatin. Shkojmë ndeshje për ndeshje ku synimet janë të qarta. Drejt fitores së radhës dhe ndjekjes së titullit,” ka thënë Batatina për llapifc.com sot.

Llapi së fundi ka nisur mrekullueshëm pjesën e dytë të stinorit duke e eliminuar njërin ndër favoritët për Kupë të Kosovës, Feronikelin, përmes penalltive.

Në duelin e vjeshtës, Llapi kishte mposhtur Besën 3-2 në “Zahir Pajaziti” të Podujevës, pas avancimit 0-2 për Besën. Rikthimin e madh për llapjanët pas golave të shënaura nga Qemail Elshani e kishin bërë Florim Bërbatovci, Bujar Idrizi dhe Edon Zeqiri.