Beckham, nga minuta e parë

Ish mesfushori i përfaqësueses angleze, David Beckham, është shumë afër që të fillojë ndeshjen nga minuta e parë me Paris St Germainin. 

Sipas njoftimeve nga mediat angleze, trajneri i Paris St Germain, Carlo Ancelotti, mendon të startojë me Beckhamin pasi që mesfushori i talentuar italian, Marco Verratti është i suspenduar për këtë ndeshje të Kupës së Francës. 

Në fakt, Paris St Germain takohet në 1/8 e finales së Kupës me rivalin e përbetuar, Olympique Marseille, nesër - ndërsa vetëm tre ditë më parë ata ishin takuar edhe në kuadër të Ligue 1, ku Beckham kishte debutuar për parisienët duke u futur në ndeshje si zëvendësues. 

“Beckham mund të fillojë ndeshjen. Do të jetë ndeshje e rëndësishme për ne sepse na duhet energji shtesë për trofeun e Kupës së Francës,” citohet të ketë thënë Ancelotti nga mediat angleze.