DRITA - FLAMURTARI
Befasohet kampioni, mposhtet në shtëpi
26 August, 2018 @18:42
Një befasi e madhe ka ndodhur sot në Gjilan!
Kampioni në fuqi i Kosovës, Drita, është mposhtur në shtëpi nga Flamurtari, skuadër kjo që rezultatin e ka përmbysur në pjesën e dytë.
Me golin e Ervis Kajës, Drita krijoi epërsi të hershme dhe dha përshtypje që po shkonte drejt një fitoreje të lehtë, mirëpo mysafirët menduan ndryshe dhe me golat e shënuara nga Veton Kabashi e Alban Shillova (2), e mbyllën takimin me 3 pikë të fituara.
Pas 2 xhirove, Drita ka 1 fitore e 1 humbje, derisa Flamurtari tashmë i prin tabelës, duke qenë skuadra e vetme me 6 pikë nga 2 ndeshjet e para.
11-shet startuese:
| DRITA: | Bakaj, Kuka, Kaja, Gërbeshi (C), Leci, B. Shabani, Vucaj, Krasniqi, Xh. Shabani, Neziraj, Haxhimusa. Trajner: Bekim Isufi | ||
| FLAMURTARI: | Neziri, Kabashi, Boshnjaku, Shabani, Bruqi, Dumani, Shillova, Krasniqi, Zeqiri, Maxhuni, Quansah. Trajner: Arsim Thaqi |
