Bento, Shqipëria bën telashe

Ish futbollisti, tash përzgjedhësi i kombëtares portugeze, Paulo Bento, e di shumë mirë cilësinë e skuadrës që e drejton ai. 

Mirëpo, përkundër kësaj ai nuk e merr si të lehtë takimin ndaj Shqipërisë më 7 shtator. Për më tepër, ai ka njëfarë droje nga kuqezinjtë, që shumëherë i kanë shkaktuar probleme ekipit nga Atlantiku. 

“Ne kemi pasur probleme ndaj kësaj skuadre. Shqipëria është kundërshtar i vështirë për tu mundur. Në kualifikimet për “Afrika Jugore 2010” kemi pasur dy ndeshje tejet të vështira ndaj tyre. Objektivi ynë është fitorja dhe do të përgatitemi që t’ia nisim mbarë,” ka thënë Paulo Bento, transmetojnë mediat portugeze deklaratën e tij. 

Strategu i Portugalisë për shkak të lëndimit ka lënë jashtë ekipit yllin e vendit, Cristiano Ronaldo, ndërsa ka ftuar këta lojtarë: Lopes (Lyon), Eduardo (Dinamo Zagreb), Rui Patricio (Sporting), Almeida (Benfica), Coentrao (Real Madrid), Perreira (Valencia), Pepe (Real Madrid), Neto (Zenit), R. Costa (Al Sahli), Veso (Valencia), Antunes (Malaga), Adrien (Sporting), Gomes (Valencia), Moutinho (Monaco), Veloso (Dinamo Kiev), Tiba (Braga), Meireles (Fenerbahçe), Carvalho (Sporting), Vieirinha (ëolfsburg), Bruma (Galatasasaray), Eder (Braga), Cavaliero (La Coruna), Nani (Sporting) dhe Jorta (Malaga).