Edhe Ben Arfa në Hull

Ekipi i Hull Cityt ka qenë ndër më aktivët në pazarin e djeshëm të Premier League dhe më gjërë. Tigrat e Steve Bruce, minuta para mbylljes së afatit kalimtar kanë arritur që të sigurojnë shërbimet e mesfushorit kreativ françez të Newcastle United, Hatem Ben Arfa. 

Ben Arfa 27 vjeç do të luaj si huazim për stinorin që vjen te portokall-e-zinjtë. Mesfushori në fjalë kishte ardhur në vitin 2011 nga Olympique Marseille te Newcastle United, ku ka shënuar 14 gola në 86 paraqitje. 

Më parë gjatë ditës së djeshme Hull City kishte regjistruar rekord transferin në histori të klubit dhe kishte huazuar mesfushorin e dëshmuar të Southamptonit.