Nesër nis xhiroja e radhës

Xhiroja e radhës e Superligës së Kosovës nis nesër (e mërkurë), me katër ndeshje në program. Drita pret Ferizajin në ndeshjen e fqinjëve, Trepça’89 do të kërkojë të vazhdojë serinë e mirë të rezultateve në Riza Lushta ndaj Drenicës, derisa Istogu do të kërkojë pikët e para prej se erdhi në elitë nga gjakovarët e Vëllaznimit. 

Prishtina-Ferronikeli

Të mërkurën gjithashtu takohet edhe Prishtina me Ferronikelin, që pritet të jetë ndeshje mjaft interesante. Kjo për faktin se dy skuadrat kanë dallim nga njëra-tjetra vetëm një pikë - e Ferronikeli gjithnjë e më shumë po tregohet i rrezikshëm për kundërshtarët. 

Pas disfatës në xhiron e parë ekipi i Gani Sejdiut ka radhitur dy fitore dhe tani Prishtina nuk do ta ketë të lehtë, posaçërisht nëse kihet parasysh ndeshja e fundjavës ndaj Trepçës’89, por edhe ajo e së shtunës ndaj Sivassporit. 

Besa-LlamkosKosova

Besa, që pretendon titullin e ende nuk ka shijuar fitoren do të bëj çmos ndaj kampionit - që si duket në xhiron e fundit hyri në formë. Pejanët përkundër se po janë tepër të mirë në 45 mintutat e para të ndeshjes, në pjesën e dytë po e lëshojnë ndeshjen nga duart. 

E në anën tjetër, Llamkos Kosova, ka fituar vetëbesim të madh pas mposhtjes së Istogut me rezultat të thellë në Ferki Aliu.

Ndeshja e fundit e xhiros luhet të premten, ku lideri i befasishëm i Superligës, Hajvalia pret Trepçën, që fiton si vendas e mposhtet si mysafir.

NDESHJET E XHIROS SË KATËRT DHE TABELA AKTUALE

Orari i xhiros së katërt: