GARDIANI
Berisha: Nuk shkojmë për turizëm te Juventusi
12 April, 2015 @22:18
Etrit Berisha, që ka zënë vendin e Federico Marchettit të lënduar, nuk ka pranuar gol përsëri.
Prishtinasi ka mbrojtur portën e Lazios në mënyrën më të mirë edhe sot, në fitoren e ekipit të tij ndaj Empolit, derisa pas ndeshjes ka folur për Lazio Channel duke thënë:
“Jam plotësisht i përgatitur për të ndihmuar ekipin. Ishte një fitore e bukur sot, por ne duhet të mendojmë për ndeshjen e ardhshme ndaj Juventusit, ku nuk do të shkojmë për turizëm,” ka thënë Berisha.
Lazio është në rrugë të mirë për të përfunduar kampionatin italian në një vend që dërgon në Ligë të Kampionëve stinorin e ardhshëm, derisa kontributi i Berishës është vlerësuar mjaft nga italianët në këto xhiro.
Lazio gjithashtu ka arritur të kualifikohet edhe në finale të Kupës së Italisë, ku pritet të takohet me Juventusin.
