FLET PËRZGJEDHËSI
Bernard Challandes: Nëse nuk e bëjmë edhe mbrojtjen si sulmi…
24 March, 2021 @23:24
Përzgjedhësi i Kosovës, Bernard Challandes, ka qenë edhe i gëzuar për fitoren, por edhe i brengosur për lojën e Kosovës pas fitores ndaj Lituanisë 4-0 në Fadil Vokrri sonte.
Zvicerani 69-vjeçar është shprehur të jetë i lumtur me fitoren e shënuar. Ndërsa ka shprehur edhe brengat e tij nga ajo që ka parë sonte në lojë.
“Ka qenë shumë me rëndësi të shënojmë fitore, se ka kohë që s’fitonim,” — ka thënë fillmisht zvicerani Challandes.
“Ka qenë fitore për të kthyer vetëbesimin e lojtarëve. Në aspektin ofanziv, krejt ekipi ka qenë i mirë. Por, duhet të jemi shumë-shumë më të mirë në ndeshjen e radhës në mbrojtje. Veçanërisht ndaj Suedisë dhe Spanjës këto gabime në mbrojtje do t’i pagujmë shtrenjtë,” — ka theksuar Challandes.
Për më tepër ai ka vënë rëndësinë edhe të koordinimit të lojtarëve kur hidhen në sulm.
“Kur shkonim në sulm, bëheshim më shumë lojtarë sesa që duhej dhe merrnim kundërsulme të panevojshme. Këto sonte nuk u shndërruan në gol, por në ndeshjet tjera po,” — ka shtuar ai.
