PAS TRIUMFIT
Beroe ndjek trofeun e tretë këtë stinor!
19 April, 2017 @13:40
Skuadra e Beroes, që mbrëmë triumfoi për herë të parë në histori të klubit në BIBL, më parë ka fituar edhe Kupën e Bullgarisë kur mposhti Academicun e Sofjes në finale.
Tash, trajneri i kësaj skuadre Lubomir Minchev ka treguar se edhe më i kënaqur do të ishte po të merrte edhe titullin e kampionit për të përfunduar stinorin më së miri.
“Natyrisht që jam i kënaqur me triumfin në Ligën Ballkanike. Ne aktualisht kemi arritur të triumfojmë në garën e parë dhe të dytë të stinorit, ndërsa tash na pret e treta, që është edhe më e vështira, por do të na kënaqte edhe më shumë,” ka thënë Minchev pas triumfit në BIBL, shkruan faqja zyrtare e kësaj lige sot.