Besa me projekt 5 vjeçar, i jep mundësi talentëve

Skuadra e Besës ka filluar të planifikojë një projekt 5 vjeçar, ku synon t’i jap hapësirë më të madhe lojtarëve të rinj, duke rritur kështu mundësinë për të nxjerrë emra të rinj në tregun vendor dhe më gjërë.

Këtë gjë e ka bërë të ditur vet klubi nëpërmjet një komunikate për shtyp, të publikuar në faqen zyrtare të klubit.

“KF Besa planifikon që në ciklin e ardhshëm pesë vjeçar të përtërij ekipin dhe t’i jap shansin dhe hapësirën talentëve të shkollës së futbollit dhe qytetit të Pejës.

Duke analizuar një cikël të kaluar prej katër viteve dhe investimeve enorme të bëra në sjelljen e futbollistëve të ndryshëm nga mbarë Kosova, KF Besa erdhi në përfundim se duhet ndëruar strategjia për të ardhmen. Tani pasi jemi pjesë e futbollit ndërkombëtar dhe mundësitë janë të shumta, ne vendosëm t’i kthehemi punës që e ka karakterizuar KF Besën ndër vite, e ajo është nxjerrja e talentëve pejanë në sipërfaqe. Mos të harrojmë se nga klubi jonë kanë dal talentë dhe futbollistë të spikatur në arenën ndërkombëtare si Fatos Beqiraj, Bernard Berisha e shumë e shumë talentë të tjerë të spikatur. Andaj për të krijuar një ekip për të ardhmen, ne në ciklin e ardhshem pesë vjeçar do të fokusohemi tek talentët nga shkolla e futbollit dhe gjeneratat e reja me potencial të madh që i ka qyteti i Pejës duke i kombinuar me disa lojtarë aktual që janë nga shkolla e Besës dhe e kanë një përvojë të jashtëzakonshme.

Ftojmë të gjithë ish lojtarët e shkollës së Besës që kanë qenë të aktivizuar në klubet tjera të kthehën në vatrën e tyre dhe t’i bashkangjiten projektit të Besës së re,” thuhet në komunikatë.