Besa, përfundon e pesta

Besa ka arritur të shënojë fitore ndaj Trepçës së dëshpëruar në Mitrovicë për të përfunduar stinorin në vendin e pestë të Superligës për këtë stinor. 

Pejanët kanë shënuar fitore minimale me rezultat 0-1 me anë të golit të golashënuesit të talentuar të tyre, Egzon Gashi, që gjithnjë e më shumë po dëshmohet në Superligë. 

Gashi ka shënuar në minutën e 64-të të ndeshjes me anë të një depërtimi tejet të mirë, për fitoren e pejanëve, derisa Trepça stinorin duhet ta shpëtojë në ndeshje të Play-Outit me vendin e tretë të Ligës së Parë, Llapin. 

Hajvalia e Drenica përfundojnë stinorin me goleadë

Në takimin tjetër ku skuadrat kishin siguruar edhe stinorin tjetër në Superligë, Hajvalia mposhti Drenicën në goleadën 3-2. 

Genc Hamiti (28’) dhe Fillim Guraziu (34’) i dhanë avantazh 2-0 vendasve, derisa Qemal Elshani (42’) zbuti epërsinë për të shkuar skuadrat në pushim 2-1. 

Në pjesën e dytë Drenica barazoi me anë të Granit Arifajt (70’), por ish sulmuesi i Ferizajit, Guraziu (75’), shënoi edhe njëherë për fitoren e ekipit nga Kishnica. 

Rezultatet dhe tabela aktuale.