PEJË
Besa shkatërron Prishtinën në derbi
13 September, 2015 @17:33
Besa e Arbnor Morinës ka shënuar fitore të thellë ndaj Prishtinës sot në Shahin Haxhiislami të Pejës. Pejanët kanë ardhë shpejtë në epërsi kur Liridon Kukaj i Prishtinës shkakton penallti dhe në minutën e pestë të takimit, Fetim Kasapi shënon për epërsinë fillestare të të kuqve.
Pak para fundit të pjesës së parë Kastriot Rexha shënon për 2-0, duke çuar ekipin e tij rehat në zhveshtore për pushimin 15 minutësh.
Derisa Prishtina tentoi diçka më shumë në pjesë të dytë të takimit dhe golat nuk erdhën, Florent Qorraj i Besës realizon një gol për ekipin e tij për t’i dhënë fund të gjitha shpresave të djelmoshave të Ramiz Krasniqit për ndonjë pikë në Pejë.
Besa kështu shënon fitoren e dytë në Superligë derisa Prishtina regjistron humbjen e dytë.
SHIKO TABELËN AKTUALE
Besa udhëton në Gjilan për tu takuar me Dritën në xhiron e radhës, derisa Prishtina pret Vushtrrinë në shtëpi.
