Besa siguron pikën, por titulli largohet

Sulmuesi i Besës i ardhur nga Istogu në afatin kalimtar të janarit, Mark Milicaj, ka shënuar një gol në minutën e 65-të të takimit për të barazuar shifrat në Mitrovicë sot dhe për t’ia siguruar ekipit të tij pikën. Edhepse pejanët tentuan në minutat në vazhdim diçka më shumë, goli nuk erdhi dhe dy skuadrat, pas një loje të fortë u ndanë baraz. 

Në fakt, Besa do të mund të regjistronte shumë lehtë humbjen e dytë me radhë sot, po të ishte më preciz sulmuesi më i mirë i mitrovicasve, Kreshnik Lushtaku. Ky i fundit dështoi të shënojë nga penalltia në pjesë të parë, goditjen e të cilit e mbrojti portieri pejan, Valmir Bytyqi. Epërsinë mitrovicasve ia kishte dhënë heret në takim, Albert Kaçiku, me golin e tij të shënuar me kokë. 

Besa kështu ka shpëtuar nga humbja e dytë me radhë në Superligë, pas asaj ndaj Kosovës së Vushtrrisë në xhiron e kaluar, derisa Trepça’89 në dy xhirot e fundit ka fituar vetëm një pikë. 

REZULTATET DHE TABELA AKTUALE