TRE PIKË JETIKE
Vëllaznimi, frymon me fitore të madhe
13 May, 2015 @17:50
Skuadra e Genc Hoxhës, Vëllaznimi ka arritur të shënojë fitore tepër të rëndësishme sot. Ekipi kuqezi ka mposhtur Ferizajin si mysafir me rezultat 1-2, për të dalë nga zona e rrezikshme e Play-Outit.
Fitorja e Vëllaznimit ka ardhur në minutat e fundit të ndeshjes, kur Ermir Nikoliqi shënoi për 2-1, 3 minuta para fundit të takimit. Gjakovarët kishin ardhur në epërsi përmes Mevlan Zekës në fillim të takimit, por Ferizaji kishte barazuar me golin e Muhabi Bushit për të përfunduar pjesa e parë 1-1.
Sidoqoftë, kur vendasit pritnin që të marrin një pikë nga ky takim, Vëllaznimi i dënoi dhe tashmë frymon lirshëm pas kësaj xhiroje me fitore si mysafir ndaj Ferzajit, që është shumë afër rënies nga Superliga edhe teorikisht.
