Osmani dënon ish ekipin, Prishtina s’po ndalet

Skuadra e Prishtinës ka arritur të kalojë edhe një pengesë të vështirë në rrugë për titullin kampion. Bardhekaltërit nga kryeqyteti kanë dalë triumfues sot në Ferki Aliu të Vushtrrisë duke e mposhtur kampionin në fuqi, Kosovën e Vushtrrisë, përmes golit të ish lojtarit të këtyre të fundit, Labinot Osmani. 

Osmani, që është golashënuesi më i mirë i Superligës aktualisht, ka shënuar golin e radhës për ekipin e tij, për t’i sjellë tre pikë të reja Prishtinës, si dhe duke mbajtur hapin ndaj liderit Ferronikeli. 

Në 20 minutëshin e fundit të takimit vushtrriasit mbetën me 10 lojtarë në fushë pasi që portieri i tyre Petrit Tahiri u ndëshkua me të kuqe, kurse atë e zëvendësoi mesfushori i ekipit Daut Maxhuni, për të mos kryer zënvedësim trajneri Bekim Shotani. 

Kjo është fitorja e gjashtë me radhë e Prishtinës prej se në krye të ekipit erdhi trajneri Ramiz Krasniqi, derisa Kosova e Vushtrrisë, ka humbur për herë të parë pas 9 xhirove sot. 

REZULTATET DHE TABELA AKTUALE