BESART BERISHA
Besart Berisha: Jam i gëzuar që luajta për Kosovën
24 March, 2017 @23:11
Sulmuesi Besart Berisha sonte debutoi për përfaqësuesen e Kosovës.
Top golashënuesi i kampionatit australian, pas ndeshjes me Islandën tha se është shumë i gëzuar që luajti për Kosovën dhe për këtë arsye kishte edhe emocione.
“Jam i gëzuar që luajta për Kosovën dhe që isha në këtë ndeshje. Për këtë arsye kisha edhe emocione. Por që nuk kishim fat në ndeshje. Besoj që u paraqitëm shumë mirë. Ishim mjaft të organizuar dhe të disciplinuar. Golat nuk ishte dashur t’i pësonim kaq lehtë. Do të përmirësohemi akoma dhe do të tregojmë rezultate shumë shpejt,” tha Besart Berisha.
