STAMBOLL
Besiktas vihet pas Hulkut
22 January, 2021 @23:22
Skuadra bardhezi nga Stambolli, Besiktas, i është vënë pas sulmuesit brazilian Hulk.
Hulk, që ka bërë karrierë te Porto e Zenit pas viteve të kaluara në Kinë, ka shkëputur kontratën me ekipin e tij Shanghai Shenhua.
Drejtuesit e Besiktasit kanë thënë për NTV Spor sot se nëse arrihet marrëveshja e pranueshme për ekipin, atëherë do të shikojnë mundësinë për të transferuar brazilianin 34-vjeçar të njohur për goditje të forta.
Më parë, shqiponjat e Stambollit shikonin mundësinë për të tranferuar sulmuesin kroat me përvojë, Mario Mandzukic, por ai la ekipin arab për të shkuar në Milan, ku u zyrtarizua ditë më parë.
